Фото: Азаттық радиосы

Азаттық радиосының мәліметінше, Жетісу облысы Ескелді ауданы Қарабұлақ ауылының соты Жібек Бостанбекованы «тыйым салынған ұйым жұмысына қатысты» (Қылмыстық кодекстің 405–бабы 2-бөлімі) деп бас бостандығын бір жылға шектеді. Бұған Бостанбекованың былтыр кезектен тыс президент сайлауы алдында ҚДТ қозғалысының жетекшісі, қуғындағы экс-банкир Мұхтар Әблязовтың Instagram-парақшасындағы тікелей эфирге қосылып, сұрақ қойғаны түрткі болған. 

Ауыл тұрғыны өзінің іс-әрекетін «экстремизм» деп санамайтынын айтты. Жібек Бостанбекованың сөзінше, ол бұған дейін Әблязовтың митингілеріне қатыспаған, белсенді болмаған.

Құқық қорғаушылар істің «саяси астары бар» дейді. Бостанбекова сот шешіміне қарсы шағым беретінін айтты.